Сирдарёда ёввойи тўнғиз аҳолига ҳужум қилаётгани айтилди
Ҳолатга вилоят экология бошқармаси изоҳ берди.
Ижтимоий тармоқларда Сирдарё вилоятининг Сирдарё туманида ёввойи тўнғизлар аҳолига ҳужум қилаётгани ва одамлар жароҳатланаётгани ҳақида видеохабар тарқалди. Ҳолат юзасидан вилоят экология ва атроф-муҳитни муҳофаза қилиш бошқармаси расмий муносабат билдирди.
Ҳолат 2022 йилнинг 7 октябрь куни ўтказилган назорат рейд тадбирида Гулистон тумани “Чортоқ” СИУ ҳудудида содир этилганлиги, фуқаро б.А ўзига тегишли ов қуроли ёрдамида ов қоидаларини бузган ҳолда 1 дона ёввойи чўчқа овлагани аниқланган. Содир этилган ҳолат юзасидан фуқаро б.Ага нисбатан Ўзбекистон Республикаси МЖтКнинг 90-модда 1-қисми билан маъмурий жарима жазоси белгиланган.
“Видеотасвирдаги ёввойи чўчқани одамларга ташланганлик ҳолати (видеомонтаж) ушбу жараёнга таaллуқли эмаслигини маълум қиламиз”, — дейилади хабарда.
