Зеленскийнинг собиқ маслаҳатчиси Украина бўлиниб кетишини истисно этмади
Унинг фикрича, мамлакат Корея сценарийси асосида иккига ажралиши мумкин.
Украина можароси украиналиклар истагандек тугамаслиги мумкин. Бу ҳақда Владимир Зеленский офиси собиқ маслаҳатчиси Алексей Арестович маълум қилди.
"Катта умидлар билан турган жамият Минск-3 каби вариант олса нима бўлади? Бу бизга катта маънавий зарба бўлади ва барчамиз ҳайрон қоламиз", — деган у.
Сиёсатчининг сўзларига кўра, ғалаба учун НАТО стандартларида қуролланган 400 минг аскар керак. Аммо Украинада бундай куч мавжуд эмас.
Арестович Ғарб Корея яримороли сценарийсида мамлакатнинг бўлиниши тарафдори эканини таъкидлаган. Шу билан бирга, у бундай шароитда Киев Жанубий Корея каби тикланишини қайд этган.
