0
Қашқадарёда пахта ортилган машина ёниб кетди
Ҳолат бўйича ФВВ маълумот берди.
Бугун, 21 февраль куни Қашқадарё вилоятининг Кўкдала туманида пахта ортилган юк автомобилида ёнғин содир бўлди. Ҳолат юзасидан Фавқулодда вазиятлар вазирлиги маълумот берди.
Ҳодиса соат 16:48 да Қўқдала тумани ҳудудидан ўтувчи А-378 автойўлининг 85-километрида юз берган. Юк машинаси ҳайдовчиси салонда ёнғин ҳидини сезиб, машинанинг кузов қисмида ёнғин бошланганини кўрган. Юк автомобилига ортилган пахта ёниб кетган.
Ҳодиса жойига зудлик билан ҳудудий ФВВ ёнғин-қутқарув экипажлари етиб келган. Соат 17:20 да ёнғин тўлиқ ўчирилган. Автомашинадаги юкнинг бир қисми ёнғиндан сақлаб қолинган. Ҳодиса овибатида ҳалок бўлган ва жароҳат олганлар йўқ.
