Шаҳрисабзда BMW Damas билан тўқнашди
ЙТҲ оқибатида йўловчи жароҳатланган.
Қашқадарё вилоятининг Шаҳрисабз туманида 18 февраль куни иккита автомашина иштирокида йўл-транспорт ҳодисаси содир бўлди. Бу ҳақда вилоят ИИБ ахборот хизмати хабар берди.
Ҳодиса соат 19:40 ларда 4Р-23L Китоб–Шаҳрисабз автомобиль йўлининг 5-километрида юз берган. Ҳайдовчи С.T. BMW автомобилини Шаҳрисабз шаҳар Истиқлол кўчасидан Ипак йўли кўчасининг «Арабон» буюм бозори рўпарасидаги кесишган чорраҳа томон бошқариб бориб, рўпарасидан қарама-қарши йўналишдан ҳаракатланиб келаётган, ҳайдовчи К.Л. бошқарувидаги Damas русумли автомобилининг ҳаракат йўлига чиқиб кетиши оқибатида йўл-транспорт ҳодисаси содир этган.
ЙТҲ оқибатида Damas автомобилида йўловчи сифатида келаётган A.A. тан жароҳати олиб шифохонага ётқизилган.
Мазкур ҳолат юзасидан Шаҳрисабз шаҳар ИИБ ТБ томонидан тергов ҳаракатлари олиб борилмоқда.
