0
Бахтиёр Саидов “C5+1” вазирлар учрашувида қатнашди
Унда Марказий Осиё ва АҚШ ўртасидаги минтақавий ҳамкорлик ва шерикликни янада ривожлантириш масалалари муҳокама қилинган.
Ўзбекистон Ташқи ишлар вазири вазифасини бажараётган Бахтиёр Саидов Остона шаҳрида Марказий Осиё давлатлари ва АҚШ ташқи ишлар раҳбарларининг «C5+1» форматидаги вазирлар учрашувида иштирок этди. Бу ҳақда у ўзининг Twitter саҳифасида маълум қилди.
“Қозоғистон, Қирғизистон, Тожикистон, Туркманистондаги ҳамкасбларим ва АҚШ Давлат котиби Энтони Блинкен билан биргаликда бугун Остонада “C5+1” вазирлар учрашувини ўтказдик.
Барчамиз барқарор ўсиш, яшил энергия, атроф-муҳитни муҳофаза қилиш, хавфсизлик каби масалалар бўйича мулоқот орқали ҳамкорликни кучайтириш тарафдори эканимизни тасдиқладик”, — дея ёзган Саидов.
