Шольц ва Байден учрашуви қандай бўлди?
Германия ва АҚШ етакчилари муҳокамалари марказида Украина масаласи бўлди.
Вашингтонда АҚШ Президенти Жо Байден Германия канцлери Олаф Шольц билан учрашди. Оқ уй сиёсатчиларнинг музокаралари бўйича ҳисобот эълон қилди, унда етакчилар Украинага қўшин киритилиши муносабати билан “Россия зиммасига юкланган йўқотишлар”ни муҳокама қилишган.
Давлат раҳбарлари Украинани янада қўллаб-қувватлаш ва унинг хавфсизлигини таъминлаш масалаларини ҳам муҳокама қилдилар.
Украинанинг ғарбий иттифоқчилари Киевни қанча вақт керак бўлса, қўллаб-қувватлаш ниятларини мунтазам равишда эълон қиладилар. Бу ҳақда 2 март куни АҚШ Давлат котиби Энтони Блинкен Россия ташқи ишлар вазири Сергей Лавровга маълум қилган эди.
