0
Гулистондаги дўконларда ёнғин чиқди
Ҳолат бўйича ФВБ маълумот берди.
Бугун, 5 март куни Сирдарё вилоятининг Гулистон шаҳридаги дўконларда ёнғин юз берди. Бу ҳақда вилоят Фавқулодда вазиятлар бошқармаси хабар берди.
Қайд этилишича, соат 4:30 да Гулистон шаҳрининг Навоий шоҳкўчасида жойлашган енгил конструкцияли дўконларда тахминан 150 квадрат метр майдонда ёнғин содир бўлган.
Воқеа жойига 4 та ёнғин-қутқарув экипажи жалб қилиниб, ёнғин соат 05:20 да тўлиқ ўчирилган.
Ҳодиса натижасида тан жароҳати олганлар йўқ. Ёнғин сабаби ва моддий зарар миқдори аниқланмоқда.
