Бангладешдаги қочқинлар лагери ёниб кетди

 

Бангладеш расмийлари рохинжа қочқинлари лагерида юз берган кенг кўламли ёнғин сабабларини ўрганмоқда, натижада 12 мингга яқин одам бошпанасиз қолган. Бу ҳақда BBC хабар берди.

 

Расмий маълумотларга кўра, ошхоналардаги газ баллонларининг портлаши туфайли аланга бир зумда камида 2000 қурилмани вайрон қилган. Қурбонлар ҳақида маълумот берилмаган.

 

Полиция ёнғин қасддан содир этилганлигини текширмоқда. Маҳаллий матбуотнинг хабар беришича, бир киши ҳибсга олинган.

 

Мамлакат жануби-шарқида жойлашган лагер дунёдаги энг йирик қочқинлар лагери саналади. Унинг аксарият аҳолиси, рохинжа қочқинлари қўшни Мьянмадаги таъқиблардан бу ерга қочиб кетишган.

 

Душанба куни юзлаб одамлар вайроналардан нима қутқариш мумкинлигини билиш учун Кокс бозори деб номланувчи ҳудудга қайтиб келишди.

 

Якшанба куни маҳаллий вақт билан соат 14:45 атрофида бошланган ёнғин тезда бамбук ва брезент бостирмаларга ўтган.

 

Бангладеш қочқинлар бўйича комиссари Миджанур Раҳман АFPга:

 

«2000 га яқин қурилма ёниб кетди, 12 мингга яқин Мьянма фуқаролари уйсиз қолди», — деди.

 

Унинг сўзларига кўра, уч соат ичида ёнғин ўчирилган, бироқ камида 35 та масжид ва 21 қочқинларни тайёрлаш маркази вайрон қилинган. ПЗР лабораториялари ва сув тизимларига ҳам таъсир кўрсатди.

 

Бангладеш Мудофаа вазирлигининг ўтган ой эълон қилган ҳисоботига кўра, 2021 йилнинг январидан 2022 йилнинг декабригача рохинжа лагерларида 222 та ёнғин содир бўлган, шу жумладан, 60 таси ўт қўйиш ҳолатлари.

 

2021 йилнинг март ойида содир бўлган ёнғинда камида 15 киши ҳалок бўлган ва 50 мингга яқин одам уйини тарк этишга мажбур бўлган.

 

Қочқинлар лагерида рохинжа этник озлигига қарши ҳарбий босимдан сўнг Мьянмадан қочган одамлар яшайди.