АҚШнинг энг йирик банкларидан бири банкрот бўлди
Бу 2008 йилдан буён кузатилган энг йирик банкротлик ҳолати экани айтилмоқда.
Калифорния тартибга солувчиси АҚШнинг йириклиги бўйича 16-банки Silicon Valley Bank (SVB)ни банкрот деб эълон қилди. Ушбу кредит ташкилоти стартапларга ихтисослашган. 2022 йил охирида унинг 89% депозитлари суғурта қилинмаган — бу 175 миллиард долларни ташкил этади.
SVB банкротлиги 2008 йилги инқироздан буён кузатилган энг йирик банкротлик бўлди.
Reuters маълумотларига кўра, суғурта қилинмаган депозитлар тақдири номаълумлигича қолмоқда. Улар орасида видеоўйинлар ишлаб чиқарувчи Roblox Corp ва тармоқ медиаплеерлари ишлаб чиқарувчи Roku Inc. каби компанияларнинг активлари ҳам бор. Roku сармояларининг катта қисми суғурта қилинмаганлиги ошкор бўлгач, унинг акциялари 10 фоизга қулади.
SVB сармояларни суғурталаш Федерал комиссияси бошқарувига берилган. Унинг қолган капитали сармоядорларга компенсация сифатида тўлаб берилади ва кредиторлар олдидаги қарздорликни ёпиш учун ишлатилади. Оқ уй вазиятдан хабардор эканини ва молия вазири Жанет Йеллен вазиятни диққат билан кузатиб бораётганини айтган.
