Ўзбекистон ва Қозоғистон олий таълим ва ундан кейинги таълимда ҳамкорлик қилади
Бу бўйича Тошкентда битим имзоланган.
Кеча, 10 март куни “Халқаро шартномани тасдиқлаш тўғрисида”ги Празидент қарори қабул қилинди. Бу ҳақда Олий таълим, фан ва инновациялар вазирлиги хабар бермоқда.
Қарорга кўра, Ўзбекистон билан Қозоғистон ўртасида олий таълим ва олий таълимдан кейинги таълим соҳасида ҳамкорлик тўғрисида битим тасдиқланди. Мазкур битим 2022 йил 22 декабрь куни Тошкент шаҳрида имзоланган.
Олий таълим, фан ва инновациялар вазирлиги ушбу халқаро шартномани амалга ошириш учун масъул ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин Ўзбекистоннинг мажбуриятлари бажарилишини таъминлайди.
