Дунёнинг "икки шохли" одами вафот этди
Бу ўсимта унинг 100 ёшдан ошганидан кейин пайдо бўлгани айтилмоқда.
Яманда бошидаги шохга ўхшаш ўсимталари туфайли “икки шохли” деб аталган “дунёдаги энг кекса одам” Али Антер вафот этди.
Қайд этилишича, Али пешонасидаги ўсимталарни олиб ташлаш бўйича ўтказилган операциядан сўнг уч кун ўтиб вафот этган. Ундаги ўсимталарни аррали ускуна билан кесиб ташламоқчи бўлишган.
Маҳаллий аҳоли ундаги бу шох Али Антер 100 ёшдан ошганидан кейин пайдо бўлганини айтишмоқда. Уларнинг фикрича, нопрофессионал ампутация унинг ўлимини тезлаштирган бўлиши мумкин.
Расмий равишда Али Антернинг ёши тан олинмаган. Баъзи маълумотларга кўра, у 140 ёшда бўлган.
