АҚШда 200 га яқин банк касодга учраши мумкин
Шу ҳафтада мамлакатнинг энг йирик молия ташкилоти Silicon Valley Bank банкрот бўлганди.
АҚШнинг Silicon Valley Bank (SVB) банкининг банкрот бўлиши фонида яна 186 банк шу каби хавфга дуч келган. Бу ҳақда иқтисодчилар таҳлилларига таяниб The Wall Street Journal хабар берди.
Social Science Research Network порталида экспертлар ҳисоботи эълон қилинди. Унинг муаллифлари Жанубий Каролина, Шимоли-ғарбий университет, Колумбия ва Стэнфорд университети иқтисодчилари ҳисобланади.
Уларнинг қайд этишича, Федерал резерв тизими асосий ставкани оширгани банк активлари ва молиявий барқарорликка таъсир кўрсатган. Таъкидланашича, АҚШ банк тизими активларининг бозор қиймати баланс қийматидан 2.2 триллион долларга паст. Банк активлари ўртача 10 фоизга камайган. 5 фоиз банкларда эса бу кўрсаткич 20 фоиздан ортиқ.
SVB АҚШда охирги 15 йилда банкротликка учраган энг йирик банки бўлди.
