0
FlyArystan Олма-отадан Самарқандга парвозларни қайта тиклади
Мазкур йўналишда қатновлар ҳафтада икки марта амалга оширилади.
Узоқ танаффусдан сўнг Қозоғистоннинг FlyArystan лоукостер авиакомпанияси яна Олма-ота ва Самарқандни тўғридан-тўғри рейслар билан боғлади.
18 март куни маҳаллий вақт билан соат 19:34 да бортида 171 йўловчи бўлган самолёт Самарқанд халқаро аэропортига қўнди. Анъанага кўра, самолёт сув аркаси билан тантанали равишда кутиб олинди.
Олма-ота — Самарқанд — Олма-Ота йўналиши бўйича парвозлар Airbus А320 самолётларида ҳафтасига икки марта — чоршанба ва шанба кунлари амалга оширилиши режалаштирилган.
FlyArystanҚозоғистоннинг арзон авиаташувчиси бўлиб, штаб-квартираси Олма-отада жойлашган. Компания Қозоғистондаги энг йирик Air Astana авиакомпанияси негизида ташкил этилган.
