Ўзбекистон таълим ислоҳотлари PISA бошқарув кенгаши конгрессида тақдим қилинди
Унда мамлакатда таълимни трансформация қилиш режалари ҳақида маълумот берилган.
Айни кунларда Италиянинг Рим шаҳрида PISA бошқарув Кенгашининг 55-конгресси бўлиб ўтмоқда. Дунёнинг 70 дан ортиқ мамлакат таълим соҳаси раҳбарлари иштирок этаётган тадбирда таълим сифатини баҳолашнинг халқаро тадқиқотлари бўйича яқин келажакдаги режалар муҳокама қилинмоқда.
Конгрессда иштирок этган Мактабгача ва мактаб таълими вазирининг биринчи ўринбосари Усмон Шарифходжаев Ўзбекистон учун халқаро таълим сифатини баҳолаш тадқиқотларида иштирок этиш аҳамиятига тўхталиб, яқин йилларда таълимни трансформация қилиш бўйича режалари билан ўртоқлашди.
Маълумот учун: Ўзбекистон 2022 йилда илк бора PISA синовларида иштирок этди. Мазкур синов 15 ёшли ўқувчилар билимини ҳаётга қўллай олишини баҳолашга йўналтирилган бўлиб, натижалар жорий йил якунида эълон қилиниши кутилмоқда.
