Ўзбекистонликлар яна қачон узоқ дам олади?
Президент 2022 йил декабрь ойида расмий саналарни нишонлаш даврида қўшимча ишланмайдиган кунларни белгилаш ва 2023 йилда дам олиш кунларини кўчириш тўғрисидаги қарорни имзолаган.
Бу йил Наврўз байрамида ўзбекистонликлар кетма-кет тўрт-беш кун дам олди.
Ҳужжатда ҳафтасига 6 кун ишлайдиганлар учун 24 апрель (душанба) қўшимча ишланмайдиган кун бўлиши айтилган.
Бундан ташқари, 2023 йилда ҳафтасига 5 кун ишлайдиганлар учун дам олиш куни 29 апрель, шанба кунидан 24 апрель, душанба кунига кўчирилди.
Бу йил Ўзбекистонда Рамазон ойи 23 мартдан бошланди.
Очиқ манбаларга кўра, Рамазон ҳайитини нишонлаш 22 апрелга тўғри келади.
Президент 2021 йил феврал ойи бошида «Ўзбекистонда ички ва зиёрат туризмини янада ривожлантириш чора-тадбирлари тўғрисида»ги қарорни имзолаган эди. Ҳужжатга кўра, асосий байрам кунларида ўзбекистонликлар камида уч кун дам олади.
Шу тариқа, Рамазон ҳайитида ўзбекистонликлар камида уч кун дам олиши мумкин:
2023 йил 22 апрель (шанба) - байрам куни (ҳали расман тасдиқланмаган);
2023 йил 23 апрель (якшанба) - тақвим бўйича дам олиш куни;
2023 йил 24 апрель (душанба) - қўшимча дам олиш куни.
