0
АҚШ молия вазири: Доллар узоқ вақт халқаро валюта бўлиб қолади
Жаннет Йеллен Россия ва Хитой Америка валютасига муқобил топишга қийналишини айтди.
Россия ва Хитой долларга муқобил валюта топишга қийналади. Бу ҳақда АҚШ молия вазири Жаннет Йеллен маълум қилди.
"Албатта, мен доллар дунё валютаси бўлиб қолишини истайман. Россия ва Хитойда бошқа тизим яратиш истаги бор, бу доллардан фойдаланмасликни назарда тутади', — деган вазир.
Шу билан бирга бу қийин вазифа экани айтилган. Йелленнинг тахмин қилишича, доллар ҳали узоқ вақт захира валюта бўлиб қолади.
Шу ҳафтада Россия президенти Владимир Путин Хитой раиси Си Цзиньпин билан учрашув пайтида Москва бошқа давлатлар билан юанда савдо қилишга қарши эмаслигини айтганди.
