Болливуд сценарийси: полициячи қаҳрамонлик кўрсатди
У 16 кишининг ҳаётини сақлаб қолган.
Ҳиндистонда полиция ходими Болливуд учун оддий, аммо бошқалар учун қаҳрамонона жасорат кўрсатди.
Хайдарободда полиция намойишга чиққан 16 кишини қўлга олиб, юк машинасида маҳкамага олиб бораётган эди. Аммо кутилмаганда машина трасса ўртасига чиқиб, зигзагсимон ҳаракатлана бошлади.
Аниқланишича, Рамеш исмли ҳайдовчи эпилептик тутқаноқ тутиб, ҳушини йўқотган.
Курунакар Редди исмли қаҳрамон узоқ ўйламай машинадан сакраган ва уни қувиб ўтиб, кабинага кирган ва машинани тўхтатган. Юк машинаси йўл четида турган гулдонга урилиб тўхтаган.
Қаҳрамонлик туфайли қўлга олинганлар ҳам, бошқа полициячилар ҳам енгил тан жароҳати олган.
