Нукус воқеалари бўйича 2 кишининг суди улар иштирокисиз ўтказилмоқда
Бу бўйича расмий ахборот берилди.
Қорақалпоғистон Республикаси судининг Жиноят ишлари бўйича судлов ҳайъати томонидан Жиноят кодексининг 28,104, 158, 159, 244 ва 244-1-моддаларида назарда тутилган жиноятларни содир этганликда айбланаётган Аманбай Сагидуллаев ва Жиноят кодексининг 28,104, 159, 244 ва 244-1-моддаларида назарда тутилган жиноятларни содир этганликда айбланаётган Ниетбай Уразбаевга оид жиноят иши очиқ суд жараёнида кўриб чиқилмоқда. Бу ҳақда “ЎзА” хабар берди.
Қайд этилишича, Жиноят-процессуал кодексининг 410-моддаси (суд муҳокамасида судланувчининг иштироки)га асосланиб, судланувчилар Ўзбекистон Республикаси ҳудудидан ташқарида бўлганлиги ва уларни судга келтириш имкони йўқлиги сабабли ушбу жиноят иши бўйича суд муҳокамаси А. Сагидуллаев ва Н. Уразбаевнинг иштирокисиз ўтказилмоқда.
“Суд жараёни якуни бўйича батафсил ахборот берилади”, – дейилади хабарда.
