0
Германия давлат қарзи рекорд даражада ўсди
Ҳар бир германиялик ҳиссасига 28 минг евродан зиёд қарз тўғри келмоқда.
Германиянинг давлат қарзи 2.37 триллион еврони ташкил этиб, рекорд даражага чиқди. Бу ҳақда Федерал статистика идораси маълум қилди.
Ушбу кўрсаткич 2021 йилга нисбатан 4.6 фоизга ўсгани айтилмоқда. Аҳоли жон бошига қарз 28 155 евродан тўғри келган. Бир йил аввал бу 27 922 еврони ташкил қилганди.
Федерал қарзнинг ўсишига асосий сабаб қилиб биринчи навбатда энергетик инқироз ва COVID-19 пандемияси оқибатида юзага келган қўшимча молиялаштириш зарурати кўрсатилган.
Минтақалар кесимида қарздорлик 5 фоизга ошган.
