Еврозонада инфляция пасайди
Европа Марказий банки инфляцияни йилига 2 фоизга туширишни мақсад қилган.
Eurostat маълумотларига кўра, умумий валютага эга мамлакатларда март ойида у 6,9 фоизни ташкил қилади. Бу февраль ойидаги 8,5 фоизга нисбатан сезиларли даражада паст. Бу, асосан, энергия нархининг 0,9 фоизга пасайиши билан боғлиқ.
Бироқ бошқа маҳсулотларнинг нархи ўсишда давом этмоқда. Хусусан, озиқ-овқат, алкогол ва тамаки маҳсулотлари нархлари 15,4 фоизга ўсди.
Иқтисодиёт бўйича Европа комиссари нархлар ўсишининг секинлашишидаги умумий тенденцияни олқишлади.
“Еврозона ҳудудида инфляция кескин пасайди. Бу яхши янгилик. Лекин асосий инфляция юқорилигича қолмоқда. Яъни озиқ-овқат ва хизматлар бунинг таъсири остида қолмоқда” — деб ёзди Паоло Жентилони Twitter’да.
Озиқ-овқат ва энергия нархларининг ўзгарувчанлигини ҳисобга олмаганда, бу асосий инфляция бироз кўтарилиб, 5,7 фоизга етди.
Хабарда Европа Марказий банки инфляцияни йилига 2 фоизга туширишни мақсад қилгани қўшимча қилинган.
