Косон ҳокими устидан БПга хат киритилди
Аввалроқ у рўзадор фермерларнинг рўзасини мажбурий очтиргани айтилганди.
Аввалроқ Қашқадарё вилоятининг Косон ҳокими Асрол Бойқараев рўзадор фермерларнинг рўзасини мажбурий равишда очтиргани ҳақида хабар берилганди.
Фермер, деҳқон хўжаликлари ва томорқа ер эгалари кенгаши томонидан Бош прокуратурага ҳокимнинг хатти-ҳаракатлари устидан прокурор назорати ўрнатилиши кераклиги борасида хат киритилгани маълум қилинди.
Мазкур хатда виждон эркинлиги кафолатланиши, шунингдек, фермер хўжаликларининг фаолиятига давлат органлари аралашишга йўл қўйилмаслиги, бундан ташқари, ҳокимнинг ҳаракатлари фуқароларнинг кенг эътирозларига сабаб бўлаётгани баён қилинган.
Бош прокуратура ва туман ҳокимлиги ҳолат бўйича ҳозирча расмий муносабат билдиргани йўқ.
