“Рўза тутволиб, сипо бўлиб юрасанлар”
Косон тумани ҳокими рўзадорларни рўзасини очишга мажбурлагани айтилмоқда.
Қашқадарё вилоятининг Косон тумани ҳокими мажлисда рўзадорларни рўзасини очишга мажбурлагани айтилмоқда. Бу ҳақда Ўзбекистон Инсон ҳуқуқлари “Эзгулик” жамияти раиси Абдураҳмон Ташанов хабар берди.
Унинг Фейсбук саҳифасида ёзилишича, 31 март куни соат 15:00 ларда мажлис чақирган Косон тумани ҳокими Асрол Бойқораев қишлоқ хўжалигидаги муаммолар ҳақида жуда ғазаб билан гапирган.
Шундан сўнг ходимларга мажлисда “Сенлар рўза тутволиб, сипо бўлиб юрасанлар. Ишни ким қилади?”, деб сув келтиришни буюрган.
