Россия Қримда хандаклар ва тўсиқлар тармоғини қурди
Washington Post нашрига кўра, улар Украинанинг қарши ҳужумидан мудофаа учун жойлаштирилган.
Washington Post газетаси Россиянинг Қримда мудофаа тузилмаларини қуриш бўйича фаол саъй-ҳаракатлари юзасидан ўтказилган текширувни эълон қилди.
“Тақдим этилган сунъий йўлдош суратларига асосланилса, бир неча ҳафта ичида Россия расмийлари Қримда хандаклар ва тўсиқлар тармоғини қуришга муваффақ бўлганини кўрсатади”, — деб ёзади нашр.
Газета Қримни уруш зонасидаги “энг мустаҳкамланган” ҳудудлардан бири деб атайди.
Қайд этилишича, Россия Украинанинг баҳорги қарши ҳужумини кутаётган сўнгги ҳафталарда бундай мудофаа тузилмалари тез пайдо бўла бошлаган.
Витино қишлоғи яқинида олинган суратлардан бирида хандақларда ўрнатилган бир нечта артиллерия қисмлари ҳам кўрсатилган.
Кўпгина мудофаа иншоотлари денгиз қирғоғи ёки каналлар каби табиий сув тўсиқлари яқинида пайдо бўлган, бу Украина қуролли кучлари томонидан ҳужумга учраган тақдирда қўшимча тўсиқлар учун қулай.
