Чироқчидаги қишлоқда ёввойи айиқ юрибди
Ҳолат бўйича вазирлик маълумот берди.
Аввалроқ Қашқадарё вилояти Чироқчи тумани Яшнобод маҳалласи ҳудудига Қизил китобга киритилган қўнғир айиқ тушиб келгани хабар қилинганди. Ҳолат юзасидан Табиат ресурслари вазирлиги расмий муносабат билдирди.
Ҳозирда ушбу айиқ туманнинг «Яшнабод» МФЙ Бешчашма ҳудудидан оқиб ўтувчи Қумдарё дарёсига яқин ҳудуддаги жарликда ҳосил бўлган ғор ичига кириб олган.
Ушбу ҳудуд Табиат ресурслари вазирлиги Қашқадарё вилоят бошқармаси ва туман ҳокимлиги мутасаддилари, туман ички ишлар, Миллий гвардия ва Фавқулодда вазиятлар бўлимлари ходимлари томонидан муҳофазага олиниб, аҳоли ва қўнғир айиқнинг хавфсизлиги таъминланмоқда.
Мазкур ҳудудга вазиятни бартараф этиш мақсадида Тошкент ҳайвонот боғи мутахассисларидан иборат гуруҳ жалб қилинган.
Такидланишича, айиқ билан боғлиқ вазиятда ҳеч кимга зарар етмаган.
