Лавров ва Чавушўғли Украина масаласини муҳокама қилди
Улар урушнинг музокаралар орқали тугашини кутаётганини таъкидлаган.
Туркия ташқи ишлар вазири Мавлут Чавушўғли россиялик ҳамкасби Сергей Лавров билан Украинадаги вазиятни муҳокама қилди.
Вазирлар яккама-якка музокара ўтказган ва улардан кейин делегациялар учрашуви бўлган.
“Албатта, Украина масаласи учрашувларимизда муҳокама қилинган мавзулардан бири бўлди ва биз бир қатор минтақавий муаммоларни ҳам гаплашдик. Урушнинг халқаро ҳуқуқ асосидаги музокара жараёни орқали тугашини кутаётганимизни яна бир бор таъкидладик. Ҳар доимгидек, Анқаранинг келишув учун барча саъй-ҳаракатларини қилишга тайёрлигини билдирдик”, — деди туркиялик вакил.
Чавушўғли Россиянинг Туркиядаги зилзила оқибатларини бартараф этишдаги ёрдам ва саъй-ҳаракатлари учун Москвага миннатдорчилик билдирди.
