Фарғонада қўшнилар ўртасида жанжал чиқди
Оқибатда бир киши жароҳатланиб вафот этган.
Фарғона вилоятининг Қўштепа туманида 2 апрель куни фуқаро қўшнисини пичоқлаб қўйди. Ҳолат юзасидан Бош прокуратура матбуот котиби Ҳаёт Шамсутдинов маълумот берди.
Қайд этилишича, Қўштепа туманининг Гулобод туманида яшовчи Ф.Қ. Nexia-2 автомашинасида ҳаракатланиб кетаётганда қўшниси Ф. Х.нинг хотинига сигнал чалиб, четроқда юришни айтади.
Жанжал шу тариқа бошланиб, унга бошқалар ҳам қўшилади. Оғиздан бемаза гаплар чиқади. Оқибати шу бўладики, Ф.Қ. ошхона пичоғи билан ҳалигина ўзи сигнал чалган аёлнинг турмуш ўртоғи ва қайнакасига ташланиб, уларга турли даражада жароҳат етказади. Етказилган жароҳатлар натижасида ака-укаларнинг кичиги (33 ёш) воқеа жойида вафот этади, каттаси (39 ёш) касалхона тушади.
Ҳолат юзасидан юзасидан ўша куниёқ туман прокуратураси томонидан қасддан одам ўлдириш аломатлари билан жиноят иши қўзғатилиб, Ф. Қ. (36 ёш) тегишли тартибда ушланган. Ҳозирда тергов ҳаракатлари олиб борилмоқда.
