Андижонда ободонлаштиришда ишлайдиган икки аёл калтакланди
Ижтимоий тармоқларда тарқалган хабарлар юзасидан вилоят Оила ва хотин-қизлар бошқармаси расмий муносабат билдирди.
Ижтимоий тармоқларда Асака туманида ободонлаштириш бўлимининг икки нафар ходими тадбиркор томонидан дўппослангани ҳақида хабар тарқалди.
Унда айтилишича, 14 апрель куни соат 14:00 ларда “Янгисор” маҳалласида жойлашган тадбиркорнинг савдо дўкони олдидаги хонага туман Ободонлаштириш бўлими ходимлари дам олишган келишган. Ўзаро келиб чиққан жанжал оқибатида тадбиркор аёлларни калтаклаган.
Андижон вилояти Оила ва хотин-қизлар бошқармасининг маълум қилишича, ҳодиса рўй берган куннинг ўзида аёллар билан мулоқот олиб борилган. Уларга руҳий, психологик ёрдамлар кўрсатилган ҳамда шу куннинг ўзида Асака тумани ички ишлар бўлимига хабар берилган. Жабр кўрган аёллар экспертизага жўнатилган.
Ҳозирда ўрганиш ва экспертиза ишлари олиб борилмоқда. Жараён охирига етказилиши билан воқеа ҳақида батафсил маълумот берилишини маълум қилинди.
