Пойтахтнинг айрим ҳудудларида ичимлик ва иссиқ сув икки кунга ўчирилади — рўйхат
Бунга "Бобур" кўчасидаги кўприкнинг таъмирланиш жараёни сабаб бўлган.
«Ўзсувтаъминот» АЖ томонидан Тошкент шаҳар Яккасарой ва Сергели туманларидан кесиб ўтувчи Бобур кўчасидаги кўприкнинг таъмирланиш жараёнида 2023 йил 17 апрел соат 9:00 дан 2023 йил 19 апрел соат 9:00 гача ичимлик сув тармоғини кўчириб ўтказиш ишлари олиб борилиши муносабати билан 4 та туманда ичимлик суви таъминоти икки кунга ўчирилади.
Шу боис «Тошкент иссиқлик электр маркази» ҳам ускуналарининг ишлашини 2 кунга тўхтатмоқда.
«Тошкент ИЭМ»га кўра, пойтахтнинг 8 та туманидаги аҳоли икки кунга 17 апрел соат 09:00 дан 19 апрел соат 09:00 гача иссиқ сув таҳминотидан узилади.
Ичимлик суви вақтинча узиладиган манзиллар рўйхати ушбу ҳаволада.
Иссиқлик суви таъминоти тўхтатиладиган манзиллар рўйхати эса мана бу ерда.
