Косонда ота ўз қизини аёвсиз калтаклади
Ҳозирда унга нисбатан жиноят иши очилган.
Ижтимоий тармоқларда Қашқадарё вилоятининг Косон туманида ота ўз фарзандини аёвсиз калтаклагани акс этган видео тарқалди. Ҳолат юзасидан вилоят ИИБ ахборот хизмати маълумот берди.
Қайд этилишича, 16 апрель куни соат 11:30 ларда Косон тумани Қорабайир маҳалласида яшовчи 2009 йилда туғилган Х.Г. онаси —1982 йилда туғилган М.М. ҳамда отаси — 1978 йилда туғилган Т.Р. томонидан калтакланган. Мазкур ҳолат вояга етмаган қизнинг амакиси томонидан видеотасвирга олиниб, ички ишлар органларига хабар берилган.
Вояга етмаган қизнинг отаси Т.Р. руҳий касалликлар диспансерига текшириш учун юборилган. Жабрланувчи Х.Г.га нисбатан етказилган тан жароҳатларини аниқлаш учун суд-тиббий экспертизаси тайинланган.
Бош прокуратура содир бўлган ҳолат юзасидан Жиноят кодексининг 110-моддаси (Қийнаш) билан жиноят иши қўзғатилганини маълум қилди.
Ҳозирда бир нафар гумонланувчи шахс процессуал тартибда ушланган ва тергов ҳаракатлари олиб борилмоқда.
Жавоҳирбек ТУРСУНОВ
