Қорақалпоқ давлат университетида туризм лабораторияси очилди
Лаборатория GIZ ҳамкорлигида ташкил этилган.
Бердақ номидаги Қорақалпоқ давлат университетининг Иқтисодиёт факультетида Германия халқаро ҳамкорлик ташкилоти (GIZ) билан биргаликда туризм йўналишида таълим олаётган талаба ёшларнинг назарий билим ва кўникмаларини амалиётда янада мустаҳкамлаш мақсадида Туризм лабораторияси очилди.
Университетда 2018/2019-ўқув йилида Туризм бакалавр таълим йўналиши, 2022/2023-ўқув йилидан эътиборан магистратура мутахассислигининг ташкил этилганди.
Туризм лабораторияси меҳмонларни қабул қилиш, меҳмонхона фаолияти, умумий овқатланиш ва бошқа амалий машғулотларга мўлжалланган. Лабораториянинг асосий мақсади соҳада таълим сифатини янада жадаллаштириш, битирувчи кадрлар амалий кўникмаларини ошириш, рақобатбардош кадрларни тайёрлаш, шу билан бирга хусусий сектор вакиллари билан университет ўртасида яқин ҳамкорлик ўрнатишдан иборат.
