Қашқадарёда олимпиадада энг юқори балл олган ўқувчига 4-ўрин берилгани айтилди
Ҳолат бўйича расмийлар муносабат билдирди.
Ижтимоий тармоқларда Қашқадарё вилоятида ўтказилган хорижий тил олимпиадасида ҳаммадан юқори балл олган ўқувчига 4-ўрин берилгани айтилган видео тарқалди. Ҳолат юзасидан вилоят мактабгача ва мактаб таълими бошқармаси расмий муносабат билдирди.
Қайд этилишича, видеолавҳадаги жараёнда Қамаши туманидаги 6-сонли мактаб жамоаси тўплаган балл натижаларида аслида юқори эканлиги қайд этилган. “Хорижий тилларни ўқитиш бўйича энг яхши мактаб” танловни туман босқичи бўйича Қамаши туманидан 1-ўрин 44-мактабга, 2-ўрин 63-мактабга ва 3-ўрин 72-мактабга берилган.
Видеолавҳада айтилган Қамаши туманидаги 6-мактаб жамоасини тўплаган балл 25,92 ни ташкил этган. Ўқувчилар кўрсаткичи юқори натижа бўлсада, умумий тартибда база орқали мактаб (ўқитувчилари)ни тўплаган баллари паст бўлган. Шу сабабли низом талабларида асосий кўрсаткичлар билан эришилган натижа умумлаштириши қайд этилган.
Низомга кўра, мактаб жамоасининг ҳар бир аъзоси синовлар жараёнида индивидуал баҳоланиб, иштирокчиларнинг натижалари мактабнинг умумий натижасини ҳосил қилади. Инглиз, немис ва француз тиллари бўйича мос ҳолда турли халқаро сертификацияланган стандартлар бўйича баҳолаш тизими қўлланилганда, мактабларнинг натижаларини ҳисоблаш 100 баллга пропорционал тарзда амалга оширилади. Учинчи босқич натижаларига кўра умумий ҳисобда энг юқори балл тўплаган мактаблар 1, 2, 3-ўринларни эгаллаган мактаблар сифатида белгиланади. Ҳар бир босқичда ғолибликка даъвогар жамоаларнинг баллари тенг бўлиб қолган тақдирда, жамоалар ўртасида қўшимча синов ташкил этилади.
