БМТ тадбирини ёритиши керак бўлган россиялик журналистларга Америка визаси берилмади
Россия ТИВ бундан норози эканини билдирди.
Россиялик журналистларга мамлакат ташқи ишлар вазири Сергей Лавровнинг Вашингтондаги тадбирларда иштирокини ёритиш учун визалар берилмади. РФ ТИВ раҳбари ўринбосари Сергей Рябков буни ғазаблантирувчи ҳолат деб атади.
“Америкаликлар Россиянинг БМТ Хавфсизлик Кенгашидаги раислигини якунлаётган воқеаларда Россия ташқи ишлар вазири Лавровнинг иштирокига тайёргарлик кўришда яна бир мутлақо қабул қилиб бўлмайдиган усулдан фойдаланди. Лавровга у ерда ҳамроҳлик қилиши керак бўлган бир гуруҳ россиялик журналистларга визалар берилмади”, — деди у.
“Сўнгги бир неча кун ичида биз бу масала бўйича улар билан бир неча бор боғландик. Шунга қарамай, натижа ачинарли. Журналистлар Россиянинг БМТ Хавфсизлик Кенгаши раислигидаги энг муҳим воқеани ёритиши керак эди”, — дея қўшимча қилди Рябков.
