Медведев Байденни “умидсиз бобо” деб атади
Аввалроқ Жо Байден 2024 йилги сайловда иштирок этишини расман эълон қилганди.
Россия Федерацияси Хавфсизлик кенгаши раиси ўринбосари Дмитрий Медведев АҚШда 2024 йилда бўлиб ўтадиган президентлик сайловларида иштирок этиш нияти борлигини маълум қилган Жо Байденни “умидсиз бобо” деб атади.
“Байден ўз қарорини қабул қилди. Умидсиз бобо. Агар у ғалаба қозонса, АҚШ ҳарбийларининг ўрнида тузатиб бўлмас оқибатларга олиб келмаслик учун дарҳол қалбаки ядро кодлари солинган сохта чамадон ясаган бўлардим”, — деб ёзди у ўзининг телеграм-каналида.
АҚШнинг амалдаги раҳбари Байден 2024 йилда бўлиб ўтадиган навбатдаги президентлик сайловларида иштирок этиш ниятида эканлигини расман эълон қилди. Американинг етакчи оммавий ахборот воситаларининг хабар беришича, Байден роппа-роса тўрт йил аввал ҳам айнан 25 апрелда 2020 йилги президентлик сайловларида иштирок этишини эълон қилганди.
