Блогер Блиновская Тошкентга келар чоғида қўлга олинди
Аввалроқ Россия Тергов қўмитаси томонидан унга нисбатан солиқ тўлашдан бўйин товлаш ва жиноий даромадларни легаллаштириш бўйича иш қўзғатилган.
Россиядан чиқиб кетмоқчи бўлган вақтида қўлга олинган блогер Елена Блиновская 28 апрель куни Тошкентда ўтказиладиган “Тўртинчи ўлчов” семинарида нутқ сўзлаши керак эди.
iticket.uz маълумотларига кўра, блогер нутқи учун чипталар нархи 1 миллион сўмдан 8,8 миллион сўмгача (90 дан 780 долларгача)ни ташкил этади.
Аввалроқ Россия Тергов қўмитаси Блиновскаяга нисбатан солиқ тўлашдан бўйин товлаш ва жиноий даромадларни легаллаштириш бўйича иш қўзғатилгани, у Россия Федерациясидан чиқиб кетмоқчи бўлганида қўлга олингани ҳақида хабар берган эди.
“Афсуски, аниқ маълумот йўқ бўлса-да, биз бу масалани ҳал қиляпмиз”, — деди РИА Новости семинарнинг ПР агентлигида тадбирнинг бекор қилиниши ҳақидаги саволга жавоб бериб.
Россия Тергов қўмитаси маълумотларига кўра, Блиновская 2019-2021 йилларда умумий суммаси 918 миллион рублдан ортиқ солиқ тўламаган. Жиноят иши доирасида гумонланувчининг ишхонаси ва яшаш жойида тинтув ишлари олиб борилмоқда. Ҳозирда тергов давом этмоқда.
