Россия ва Украина ўзаро ҳарбий асирларни алмашди
Томонлар 10 апрелда ҳам асирлар алмашганди.
Россия Федерацияси Мудофаа вазирлиги 26 апрель куни бўлиб ўтган музокаралар натижасида 40 нафар россиялик ҳарбий хизматчи Украинадан, Украина томони эса 44 нафар ҳарбийни қайтарганини маълум қилди.
“Озод қилинган ҳарбий хизматчилар Россия Мудофаа вазирлигининг тиббиёт муассасаларида даволаниш ва реабилитация қилиш учун Россия Аэрокосмик кучлари ҳарбий-транспорт авиацияси самолётларида Москвага етказилади. Озодликка чиқарилганларнинг барчасига зарур тиббий ва психологик ёрдам кўрсатилмоқда", — дейилади хабарда.
Ўз навбатида, Украина президенти девони раҳбари Андрей Ермак ижтимоий тармоқларда 44 нафар ҳарбий хизматчи ватанга қайтганини айтди.
