Андижонда Қорасув шаҳри вилоятга бўйсунувчи ҳудуд сифатида қайта ташкил этилади
Бу бўйича Халқ депутатлари вилоят кенгашининг қарори эълон қилинди.
Андижон вилоятининг Қўрғонтепа тумани таркибидаги Қорасув шаҳри вилоятга бўйсунувчи ҳудуд сифатида қайта ташкил этилади. Бу бўйича Халқ депутатлари вилоят кенгашининг қарори эълон қилинди.
28 апрель куни кенгашнинг “Қўрғонтепа туманидаги 10 та маҳалла фуқаролар йиғинлари ҳудудларини янги ташкил этилаётган Қорасув шаҳар таркибига ўтказиш ҳақида” қарори қабул қилинган.
Қарорга кўра, туманнинг “Мустақилликнинг 15 йиллиги”, «Мустақиллик», “Заҳириддин Муҳаммад Бобур”, “Аҳмад Яссавий”, «Юксалиш», “Мирзо Улуғбек”, “Амир Темур”, «Пахтачи», “Уч тегирмон” ва «Бирлик» маҳалла фуқаролар йиғинларининг илтимосномалари инобатга олиниши белгиланган.
Вилоят ҳокимига “Ўзбекистон Республикасининг маъмурий-ҳудудий тузилиши тўғрисида”ги қонунига мувофиқ мазкур маҳалла фуқаролар йиғинларини янги ташкил этилаётган “Қорасув шаҳар” таркибига ўтказиш бўйича таклифини кўриб чиқиш ва Олий Мажлисга киритиш масаласи юзасидан Ўзбекистон Республикаси Вазирлар Маҳкамасига илтимоснома киритиш вазифаси юклатилган.
