Хитой Кремлга қилинган дронлар ҳужумига муносабат билдирди
Пекин Россия ва Украинани вазиятни қийинлаштирадиган ҳаракатлардан қочишга чақирди.
Хитой Ташқи ишлар вазирлиги Кремлдаги дрон ҳужуми билан боғлиқ воқеа туфайли Россия Федерацияси ва Украинани вазиятни янада авж олишига олиб келадиган ҳаракатлардан қочишга чақирди.
Вазирлик хабарида айтилишича, Пекиннинг “Украина инқирози” бўйича позицияси изчил ва аниқ бўлиши, шунингдек, барча томонлар вазиятни кескинлаштириши мумкин бўлган ҳаракатлардан қочиши керак.
"Москвадаги воқеа" Хитой элчисининг Украинага ташрифига таъсир қиладими, деган саволга вазирлик жавоб бермаган.
“Хитой томони халқаро ҳамжамият билан ҳамкорликда “Украина инқирози”ни сиёсий йўл билан ҳал қилишда конструктив роль ўйнашда давом этади”, — дейилади хабарда.
Эслатиб ўтамиз, чоршанба куни Москва Кремлга Украина дронлари ҳужум қилганини эълон қилиб, буни Ғалаба куни арафасида режалаштирилган террорчилик ҳаракати ва Россия етакчиси Владимир Путин ҳаётига суиқасд деб баҳолаган эди.
