Қаршидаги ЙТҲда 2 йўловчи вафот этди
Ҳайдовчи ва яна бир киши шифохонага юборилган.
Қашқадарё вилоятининг Қарши шаҳрида юз берган йўл-транспорт ҳодисаси оқибатида 2 киши вафот этди. Бу ҳақда вилоят ИИБ хабар бермоқда.
Ҳодиса соат 13:30 ларда 4Р-79 Қарши–Чим–Чироқчи–Шаҳрисабз автомобиль йўлининг 12-километрида юз берган. Қарши тумани “Хонобод” МФЙ ҳудудида ҳаракатланган ҳайдовчи б.М. Ravon-3 русумли автомобилни Шаҳрисабз–Қарши йўналиши бўйича бошқариб келиб, қарама–қарши томондан келаётган ҳайдовчи Ж.А. бошқарувидаги Nexia-2 билан тўқнашиб кетган.
ЙТҲ оқибатида Nexia-2 автомашинасида йўловчи сифатида келаётган 2 нафар фуқаро тан жароҳати олиб, ҳодиса жойида вафот этган, бир киши шифохонага ётқизилган. Nexia-2 русумли автомобиль ҳайдовчиси ҳам тан жароҳати олиб шифохонага юборилган.
Ҳолат юзасидан вилоят Жиноят кодексининг 266-моддаси 3-қисми “а” банди билан жиноят иши қўзғатилган.
