0
Наманганда Жигули ва Дамас ЙТҲга учради
Тўқнашувдан сўнг Дамас ҳайдовчиси қочиб кетган.
Бугун, 7 май куни Наманган шаҳрида иккита автомашина иштирокида йўл транспорт ҳодисаси содир бўлди. Бу ҳақда вилоят ИИБ ЙҲХБ хабар бермоқда.
Қайд этилишича, соат 09:00 ларда Наманган шаҳар Марғилон кўчасида Жигули русумли автомашина Damas билан тўқнашган. Ҳодиса оқибатида иккала транспорт воситаси техник шикастланган.
Жигули ҳайдовчиси ва йўловчисига биринчи ёрдам кўрсатилиб, шифохонага юборилган. Damas автомашинаси ҳайдовчиси воқеа жойидан кетиб юборган. Кўрилган тезкор чоралар натижасида автомашина топилиб, жарима майдончасига жойлаштирилган.
