Садир Жапаров Путин билан учрашиш учун Москвага борди
Улар икки ва кўп томонлама масалаларми муҳокама қилади.
Қирғизистон президенти Садир Жапаров расмий ташриф билан Москвага борди.
Маълумотларга кўра, ташриф давомида Россия президенти Владимир Путин билан икки томонлама музокаралар ўтказилиши кутилмоқда. Унда президентлар икки ва кўп томонлама кун тартибидаги долзарб масалаларни, шунингдек, ўзаро манфаатли ҳамкорликни янада ривожлантириш истиқболларини муҳокама қилади.
Расмий ташриф доирасида Садир Жапаровнинг бошқа расмий шахслар билан ҳам учрашувлари режалаштирилган.
“Бундан ташқари, давлат раҳбари 9 май куни Москвадаги Ғалаба парадига фахрий меҳмон сифатида ташриф буюради”, — дейилади президент матбуот хизмати хабарида.
