Елкасига байроқ илиб, жавобгарликка тортилган йигит жаримадан озод қилинди
Ҳолат бўйича БП расмий баёнот берди.
Аввалроқ Қашқадарё вилоятининг Қамаши туманида елкасига давлат байроғи туширилган тасма таққан йигит маъмурий жавобгарликка тортилиб, унга нисбатан жарима жазоси тайинлангани хабар қилинганди. Ҳолатга Бош прокуратура расмий муносабат билдирди.
Қайд этилишича, 5 май куни Қамаши туманида Ўзбекистон Республикасининг Давлат байроғи рангидаги тасмани тақиб юрган йигитга нисбатан маъмурий ҳуқуқбузарлик тўғрисида иш қўзғатиш ҳақида қарор қабул қилинган.
“Бош прокуратура аралашуви билан йигитга нисбатан қўлланилган ушбу ноқонуний қарор бекор қилиниши таъминланди”, — дейилади хабарда.
