Россиядан кетган Алла Пугачева Песков билан кўришди
Россия эстрадаси примадоннаси Валентин Юдашкиннинг дафн маросимида қатнашиш учун Исроилдан Россияга келди.
ОАВ хабарига кўра, маросимда марҳумдан кўра кўпроқ эътибор Россияни тарк этган Алла Пугачевага қаратилди. Дафн маросимида у ҳеч ким билан суҳбатлашмаган. Қабристонга боришда эса уни мухлислар ва ҳамкасблари қуршаб олган.
Пугачева фақатгина Россия президентининг матбуот котиби Дмитрий Песков билан суҳбатлашаётганда камерага тушиб қолган.
Песков Примадоннанинг қўлини ўпиб кўришиб, уни кўрганидан хурсандлигини билдирган.
Маълумот учун, Пугачеванинг турмуш ўртоғи Максим Галкин Россия Федерациясида хорижий агент деб эълон қилинган ва мамлакатни тарк этган.
