Тошкент метросида аёллар ва эркаклар алоҳида навбатда туриши сўралгани айтилди
Ҳолат юзасидан расмийлар муносабат билдирди.
Ижтимоий тармоқларда Тошкент метросининг «Беруний» бекатида ходим эркаклар ва аёлларни алоҳида навбатда туришини сўралгани айтилган хабарлар тарқалди. Ҳолатга “Тошкент метрополитени” ДУК расмий муносабат билдирди.
“Ушбу маълумот ҳеч қандай ҳақиқатга тўғри келмаслигини ва Ўзбекистон Республикаси ИИВ ходими ўз лавозим йўриқномасига амал қилган ҳолда касса олдида жамоат тартибини сақлаш бўйича ўз фаолиятини олиб борганини маълум қиламиз”, — дейилади хабарда.
Метрополитен йўловчилардан ёлғон маълумотларни ўзаро тарқатмасликларини сўраган.
