Республикачилар Байденнинг руҳий ҳолатидан хавотирда
Улар президентдан когнитив тестдан ўтишни ёки пойгадан чиқиб кетишни талаб қилишди.
Вакиллар палатасида ўнлаб республикачилар Байдендан когнитив тестдан ўтишни ёки пойгадан чиқиб кетишни талаб қилишди.
Техас Республикачилар партияси вакили Ронни Жексон тегишли таклиф билан 61 имзода хат юборди.
Жексон ва унинг партиядошлари АҚШ амалдаги президентининг ҳозирги руҳий ҳолатидан хавотирда. Шунингдек, у Байденнинг яна бир муддатга юқори лавозимга сайланишига шубҳа қилмоқда.
Мурожаатда "Биз жинси, ёши ёки сиёсий партиясидан қатъи назар барча президентлар соғлом ақлий салоҳиятни намойиш қилиши керак, деб ҳисоблаймиз" ёзувини кўриш мумкин.
Республикачиларнинг аниқлик киритишича, президентлик даврида Байден иккита тиббий кўрикдан ўтган, бири 2021 йилнинг ноябрида, иккинчиси 2023 йилнинг февралида. Аммо ҳеч қаерда шифокорлар унинг когнитив қобилиятларини бирон-бир тарзда баҳолаганликлари кўрсатилмаган.
“Охирги икки йил ичида оммавий нутқ сўзлашда оёқларини чайқаш, юриш пайтида қоқилиш, сўзларни чалкаштириб юбориш, исмларни унутиш, фикрлаш поғонасини йўқотиш ва бир лаҳза хижолат бўлиб кўриниш одатий ҳолга айланиб қолди”, — дейилади мактубда.
