Америкалик блогер видеоси кўп томоша қилиниши учун авиаҳалокат содир этди
У 20 йилга қамалиши мумкин.
У Калифорния тоғларида самолёт ҳалокатини уюштирганини тан олди. Полиция тергов олиб бормоқда ва у 20 йилгача қамоқ жазосига ҳукм қилиниши мумкин.
Учувчилик гувоҳномасига эга бўлган 29 ёшли Тревор Жейкоб 2021 йил декабрь ойида ҳалокатга учраган самолёт видеосини жойлаштирди. Эркак Санта-Барбара аэропортидан якка парвоз қилган. Унинг ёнида парашют ва селфи таёқ ҳам бор эди. Тўсатдан самолёт қулаб туша бошлади ва учувчи парашютда учишга мажбур бўлди. Самолёт ҳавога кўтарилганидан 35 дақиқа ўтиб Лос-Падрес миллий ўрмонига қулаган. Блогер буни бахтсиз ҳодиса сифатида жойлаштирди.
У ҳалокат жойини топди ва тасвирга олди. Бугунги кунга қадар видео 2,9 миллиондан ортиқ кўрилган. Айрим фойдаланувчилар воқеага шубҳа билан қарашган.
Расмийларнинг таъкидлашича, у нафақат самолётни қасддан ҳалокатга учратган, балки воқеа жойини тозалаган ва шу билан федерал терговга тўсқинлик қилган. Жейкоб терговга аралашиш мақсадида далилларни йўқ қилиш ва яширишда айбдорлигини тан олди.
