Чироқчида Ваз-21011 ёниб кетди
Ҳолат бўйича ФВБ маълумот берди.
Қашқадарё вилоятининг Чироқчи туманида 13 май куни Ваз-21011 русумли автомашина ёниб кетди. Ҳолат юзасидан вилоят Фавқулодда вазиятлар бошқармаси маълумот берди.
Ҳолат Чироқчи тумани «Чоштепа» МФЙ Сайидобод кўчасида юз берган. Фуқаро А.Т бошқарувида бўлган оқ рангли Ваз-21011 русумли автомашинада ёнғин чиққан. Оқибатда транспорт воситасининг мотор ва салон қисми зарарланган.
1 та ёнғин қутқарув экипажи соат тахминан 20:47 ларда манзилга етиб борган ва ёнғинни тўлиқ соат 20:55 ларда бартараф этган.
Ёнғиндан тан жароҳати олганлар ва ҳалок бўлганлар йўқ. Ҳозирда ёнғин сабаблари ва зарари аниқланмоқда.
