Навоийда сифатсиз гўшт олиб кетаётган ҳайдовчи ушланди
Текширув давомида салкам 100 кг истеъмолга яроқсиз гўшт аниқланган.
Навоий вилоятининг Кармана туманида истеъмолга яроқсиз гўшт маҳсулоти аниқланди. Бу ҳақда вилоят ИИБ ахборот хизмати хабар берди.
8 май куни соат 17:40 ларда Кармана туманида жойлашган «Самарқанд» ЙПХ масканида Самарқанд–Навоий йўналиши бўйлаб ҳаракатланиб келаётган фуқаро M.D. бошқарувидаги Собалт тўхтатиб текширилган. Текширув давомида автомобиль юкхонасида тахминий оғирлиги 82 кг бўлган, келиб чиқиши номаълум йирик шохли мол гўшти борлиги аниқланган.
Шундан сўнг гўшт маҳсулотлари нима мақсадда олиб кетаётганлигини ҳамда истеъмолга яроқлилик даражасига аниқлик киритиш учун белгиланган тартибда ҳужжатлаштирилиб, вилоят ветеринария ва чорвачиликни ривожлантириш бошқармасига қарашли ташхис марказига (лаборатория) олиб келинган. Вилоят лабораторияси хулосасига кўра, гўшт маҳсулоти истеъмолга яроқсиз деб топилган.
