14 май куни эришган муваффақиятимизни тож билан мустаҳкамлаш қолди —Эрдоған
Туркия Президенти иккинчи босқичга тайёргарликни бошлади.
Туркиянинг амалдаги президенти Ражаб Тоййиб Эрдоған 28 май куни бўлиб ўтадиган президентлик сайловларининг иккинчи босқичида ғалаба кутаётганини ва унга тайёргарлик бошлаганини айтди.
"Биз биринчи раундда провокациясиз, босимни эътиборсиз қолдирмасдан, умидсизликка тушмасдан, қийинчиликлар олдида таслим бўлмасдан қаттиқ курашдик. 28 майга тайёргарликни аллақачон бошлаб юбордик. Энди 14 май куни эришган муваффақиятимизни тож билан мустаҳкамлаш вақти келди", — деб ёзди у Twitter саҳифасида.
Туркия раҳбари иккинчи тур 28 май — 1960 йилги давлат тўнтаришининг 63 йиллиги нишонланган куннинг эртасига бўлиб ўтишини таъкидлади.
