"UzAuto Motors" нархлар ошишига расмий муносабат билдирди
Компания "Cobalt" ва "Lacetti" нархлари ошиши ҳақидаги хабарлар ёлғон эканини тасдиқлади.
Ижтимоий тармоқларда 1 июндан бошлаб "Damas", "Labo", "Cobalt" ва "Lacetti" автомобилларининг янгиланган версиясини тақдим қилиши, "Cobalt" ва "Lacetti" нархлари эса 20-23 минг доллардан бошланиши ҳақида хабарлар тарқалди.
"UzAuto Motors" ушбу хабарларга расмий муносабат билдириб, бу бўйича ҳеч қандай маълумот тақдим қилмаганини қайд этди.
«Ушбу маълумотлар ҳеч қандай асосга эга эмас ва ёлғонлигини таъкидлаб ўтиш керак. Компания ва маҳсулотлар нархи ҳақида расмий саҳифаларимиз орқали билиб олишингиз мумкин», — дейилади муносабатда.
