Қаршида собиқ МИБ ходими пичоқлаб кетилди
Ҳолат бўйича прокуратура маълумот берди.
Қашқадарё вилоятининг Қарши шаҳрида 26 апрель куни собиқ МИБ ходими ва бир нафар аёл пичоқлаб кетилди. Бу ҳақда вилоят прокуратураси хабар бермоқда.
Қарши шаҳрида яшовчи фуқаро Х.Б. таниш аёлнинг уйига борганида у ерда таниши О.Т. (собиқ МИБ ходими)ни кўриб, жанжаллашган ҳамда ошхонадан пичоқни олиб келиб, уларга турли даражадаги тан жароҳатлари етказган. Оқибатда жабрланувчилар шифохонага тушган.
Аниқланишича, Х.Б. юқоридаги аёл билан қонуний никоҳдан ўтмаган ҳолда доимий равишда жисмоний ва руҳий тазйиқ ўтказиб, уни қийнаб келган.
Мазкур ҳолат юзасидан Қарши шаҳар прокуратураси томонидан 1 май куни Х.Б.га нисбатан ЖКнинг 109, 110 ва 112-моддалар билан жиноят иши қўзғатилиб, дастлабки тергов ҳаракатларини олиб борилмоқда.
